21 dags áskorun prentuð bók í gormum SÍÐUSTU EINTÖK

Hér er prentuð bók sem er gormuð og með plastaðri forsíðu. Þykk og vegleg í a4 útgáfu og gott að fletta og eiga. 

Hér er komin 21 dags áskorun fyrir þá sem vilja taka til í mataræðinu sínu, losna við sykurlöngun og bæta við próteini og hollum fitum á matseðilinn.

Ég hef einbeitt mér að því að borða mikið af dýraafurðum síðasta árið og hefur mér ekki liðið eins vel í mörg ár. Ég hef prófað mjög margt á sjálfri mér en nú virðist ég hafa fundið mína hillu og lausnin er að innbyrða mikið af kjöti, hreinum dýrafitum og minnka töluvert af kolvetnum.

Ég set prógrammið upp í 3 vikur þar sem fyrsta vikan er hugsuð sem róleg byrjun og "afsykrun" og hef inni uppskriftir af sætbitum sem hægt er að grípa til þegar þörfin er mikil. 

Næsta vika er aðeins einfaldari enda ætti sykurþörfin að fara minnkandi. Mismunandi réttir eru gefnir upp á hverjum degi en heimilt er að svissa dögum á milli ef hentar. Ég mæli þó með að svissa aðeins innan hverrar viku.

Síðasta vikan er afar einföld og líkust því sem ég borða eftir í dag sem er: fáar fæðutegundir og nóg af þeim.  Ef þú nærir líkamann rétt og borðar nóg af hreinu orkuríku fæði þá færðu greitt með orku og betri líðan. 

Ath að matseðillinn inniheldur mikið af dýraafurðum, eggjum og mjólkurvörum ( val ) svo ef þú þolir ekki þessar fæðutegundir þá hentar þetta prógram líklegast ekki fyrir þig.